Statistika ma’lumotlariga koʻra, shundan dam olish uchun 18 662 nafar, qarindoshlarni yoʻqlash uchun 3601 nafar, oʻqish uchun 1642 nafar, xizmat yuzasidan 217 nafar, davolanish uchun 113 nafar borgan.

Kontekst

Ulushlar quyidagicha: dam olish uchun — 77 foiz, qarindoshlarnikiga — 15 foiz, oʻqish uchun — taxminan 7 foiz (Milliy statistika qoʻmitasi ma’lumotlari asosida hisoblangan, jami 24 235 kishi).

Milliy statistika qoʻmitasi ma’lumotlariga koʻra, yanvar–iyul oylarida Koreyaga oʻqish uchun 1394 kishi ketgan, Koreyadan Oʻzbekistonga oʻqish uchun esa 591 kishi kelgan. Shu davrda Janubiy Koreyadan Oʻzbekistonga 26 512 nafar, Oʻzbekistondan Koreyaga 20 073 nafar sayyoh tashrif buyurgan.

Ikki davlat oʻrtasidagi tovar ayirboshlash hajmi yanvar–iyul oylarida 1,1 milliard dollarni tashkil etdi, uning deyarli barchasi import: 1037 million dollar, eksport esa 37,5 million dollar. 1-avgust holatiga koʻra, Oʻzbekistonda Janubiy Koreya kapitali ishtirokidagi 730 ta korxona faoliyat yuritgan. Avgust oyida Seulda Bosh vazir oʻrinbosari Jamshid Xodjayev tovar ayirboshlashni «yaqin yillarda» ikki baravar oshirib, yiliga 4 milliard dollarga yetkazish niyati borligini ma’lum qildi hamda Koreyaning Oʻzbekistonga kiritgan sarmoyasi 8 milliard dollardan oshganini aytdi.

Oʻzbekistonliklar Koreyada aviatsiya mutaxassisliklari boʻyicha ham tahsil olmoqda: Transport vazirligi ma’lumotlariga koʻra, Koreya aerokosmik universitetida 150 dan ortiq kishi bakalavriat va magistratura dasturlarida oʻqiyapti, yoʻnalishlar orasida uchish ekspluatatsiyasi, aviadispetcherlik xizmati, aviatsiya menejmenti, IT va kiberxavfsizlik bor.

Mintaqaviy oʻlchamni sammit qoʻshdi: 16-sentabr kuni Seulda oʻtgan «Markaziy Osiyo — Koreya Respublikasi» sammitida Shavkat Mirziyoyev savdo toʻsiqlarini bartaraf etish, sertifikatlashni soddalashtirish va Oʻzbekistonda «Markaziy Osiyo — Koreya» industrial-texnologik parkini joylashtirishni taklif qildi. Uning soʻzlariga koʻra, bu 2030-yilga borib mintaqaning Koreya bilan tovar ayirboshlashini 20 milliard dollarga yetkazish imkonini beradi.