Mablagʻlar Global Gateway tashabbusi orqali yoʻnaltiriladi. Yevrokomissiya rahbari nomlagan maqsadlar — yoʻnalishlarni diversifikatsiya qilish, tovar oqimlarini uch barobarga oshirish va 2030-yilgacha yuklarni yetkazish vaqtini keskin qisqartirish. Bolgariya Bosh vaziri bilan birgalikda Yevrokomissiya transport bogʻlanishi boʻyicha mintaqaviy sammit oʻtkazadi.
Oʻzbekiston yuklari bu yoʻnalish boʻylab allaqachon yuryapti: besh yil ichida ularning hajmi ikki barobar oshdi va 2025-yil oxiriga kelib 1,2 mln tonnaga yetdi. Oʻrta yoʻlak orqali YeI mamlakatlariga ketadigan yuklar ulushi shu vaqt ichida 12% dan 28% gacha koʻtarildi. 2025-yilda yoʻnalish boʻylab TEU hisobida 6 722 konteyner oʻtdi — bir yil oldingiga nisbatan 47% koʻp, Oʻzbekistonning Yevropa mamlakatlari bilan tashuvlar hajmi esa 1,5 mln tonnani tashkil etdi.
Kontekst
Global Gateway 2021–2027-yillarga moʻljallangan, butun dunyo boʻyicha investitsiyalar hajmi €300 mlrd. 2025-yil aprelda YeI — Markaziy Osiyo birinchi sammitida Bryussel mintaqadagi infratuzilma va raqamli loyihalar uchun €12 mlrdlik paketni allaqachon e’lon qilgan edi.