Uning ma’lumotlariga koʻra, rivojlanayotgan mamlakatlarga 2035-yilga kelib moslashuv uchun yiliga 310 dan 365 mlrd dollargacha kerak boʻladi, 2023-yilda moslashuvni xalqaro davlat moliyalashtirish esa atigi 26 mlrdni tashkil etdi. Xususiy kapital yiliga taxminan 5 mlrd dollar beradi, imkoniyat esa 50 mlrd. Uning soʻzlariga koʻra, asosiy muammo kapital yetishmasligi emas, balki daromadning yoʻqligi: toʻgʻon yoki yomgʻir kanalizatsiyasi kabi loyihalarning muddatlari uzoq va oʻz pul oqimi yoʻq.
Oʻzbekistonning oʻz baholari allaqachon bor. BMTga taqdim etilgan milliy darajada belgilanadigan uchinchi hissada moslashuvga investitsiya ehtiyojlari 2030-yilgacha 15,7 mlrd dollar va 2035-yilgacha 30,1 mlrd dollar deb baholanadi.
Kontekst
Jahon bankining iqlim va rivojlanish boʻyicha mamlakat hisobotiga koʻra, Oʻzbekistonga 2023–2060-yillarda nam va issiq stsenariyda qoʻshimcha 46,7 mlrd dollar va quruq va issiq stsenariyda 59,8 mlrd kerak boʻladi — faqat iqlimning mehnat unumdorligi, yoʻl qurilishi, chorvachilik va sugʻorishga ta’sirini qoplash uchun