Qudratov BAA iqtisodiyot va turizm vaziri Abdulla bin Tuk Al Marri, investitsiyalar vaziri Muhammad Hasan Al Suvaydiy va tashqi savdo vaziri Tani bin Ahmad Al Zeyyudiy, shuningdek, BAA kompaniyalari rahbarlari bilan uchrashdi. Aniq loyihalar, summalar va imzolangan hujjatlar nomi aytilmagan; tashrif yakunlari boʻyicha loyihalarni ilgari surish boʻyicha keyingi qadamlar belgilandi.
Kontekst
BAA Oʻzbekiston energetikasining eng yirik investorlaridan biri boʻlib qolmoqda: emirlik Masdar kompaniyasining mamlakatdagi portfeli toʻqqizta qayta tiklanadigan energetika loyihasidan iborat boʻlib, ularning umumiy qiymati 4,2 mlrd dollar, quvvati esa 4,8 GVt. Xorijiy kapital ishtirokidagi korxonalar soni boʻyicha BAA toʻqqizinchi oʻrinni egallaydi — 1 sentyabr holatiga 464 ta kompaniya. Ma’lumotlar markazlari va sun’iy intellekt mavzusi boshqa loyiha bilan bogʻliq boʻlishi mumkin: Qoraqalpogʻistonning Nukus tumanida 1 GVt quvvatli ma’lumotlar markazlariga ega texnopark yaratilmoqda. Uni mintaqaning qayta tiklanadigan energiya manbalari bilan ta’minlash rejalashtirilgan; birinchi bosqichni 2027-yilning ikkinchi yarmida yakunlash koʻzda tutilgan. Forum haqidagi xabarda BAA kompaniyalarining bu loyihadagi ishtiroki qayd etilmagan.